男燒衣原為清代曲，內容講述的是一男子愛上了珠江樓船上的妓女，而後來這個男子因公離開廣州，這個歌妓因錢債而自盡。男子回來得悉此事，租一小船於珠江上祭奠亡魂。
基本介紹
- 中文名：男燒衣
- 類型：清代曲（粵曲）
- 內容：一男子愛上了珠江樓船上的妓女，
- 結局：男子因公離開廣州，歌妓自盡
戲曲特點,曲藝名家,詞內容,
戲曲特點
前半段唱出男子每燒一件物品便勾起對這位情人的思念，後來別出心裁地由船嫂安慰：「叫你莫咁傷悲，話多情愁無多情配，奴奴情願為做媒」，最後與這痴情男子上岸，結束一曲。
曲藝名家
白駒榮先生以地水腔口唱此曲，功力之高，情感之真摰，在粵曲界可以說是無人能及。
詞內容
男燒衣（詞）：
聞得妹你話死咯，我實在見悲傷，妹你為因何故，攪到自縊懸樑，人話你死呢，我尚思疑，我唔信佢講，今日果然你左咯，我實慘傷，妹呀，你死因銀幾十兩，把我舊情一旦附落水茫茫，唔望與嬌你彈共唱，唔望叫艇遊河賞珠江，唔望八月中秋仝把月賞，唔望龍舟佳節共你看鬥龍航，我話身契幫你屬返同你上岸，更話兩個月就帶妹你從良，今日怨恨幾尺紅羅將你命喪，縱有黃金萬兩難以買你還陽，呢陣天跌一個落黎唔慌我重想，人話靚時唔見妹你靚得咁心傷，今晚夜月明星又朗，不若叫只小舟將水陸放，等你早登仙界直上慈航。
忙解纜，出到江濱，又見江楓漁火照愁人，各物擺齊兼果品，你前來鑒領我情深，燒頁紙錢珠淚惡忍，燒到衣裳首飾共金銀，燒到童男童女等你相親近，你落去服侍主人要聽佢酌斟，佢高聲叫你要低聲應，切勿頑皮駁嘴激著主人，重有鎖匙一大能(串)，幫過收埋系你襟，燒到個盒胭脂和水粉，燒埋幾套百褶羅裙，燒到锺籠鬼子台重有酸枝凳，燒到刨花兼軟文，燒到揀妝一個照妹孤魂。
燒到芽蘭帶，重有個對繡花鞋，可恨當初唔好無早日帶你埋街，免使你在青樓多苦捱，咁好沉香當爛柴。呢條芽蘭帶，小生親手買，可惜對花鞋重繡得咁佳。我地八月中秋同把月拜，重話二人衾枕永和諧，妹呀幾十兩既紋銀系你(才羅)命債，咁樣無端把妹你命哂，愈思愈想心痛壞。珠淚流唔哂，妹呀慘過孤舟無左軑，點得夢中魂魄共我講幾句情懷。
燒到被鋪蚊帳，系出自杭州，重有香珠一串十八子搭在妹枕頭，我唔望鴛鴦同聚首，見物思人慘把魂鉤，妹呀你在黃泉曾否念舊，兩家情愛有無附水流。燒到白銅煙帶與共銀縺扣，人話水煙至靚出在蘭州，你得閒無事裝返兩口，得來陰府可以解煩愁。燒到煙槍煙托
雷州斗，又來燒到煙屎鉤，重有局沙一盞光明透，但凡燈暗你要自己添油，呢盒公煙原本系舊架，馨香翳膩可以解得煩憂，你清閒無事燂返幾口，不妨陰府自己綢繆。
咁多物件燒來交你手，你關防門戶莫畀人偷，妹你生前所用般般都有，喉咽哽(嘔)，點得黃泉共妹你敘首，點得霎時相會在抬頭。
再酌酒，奠妹你粧台，願妹你前來鑒我一杯，飲過此杯離苦海，等你早登天界系直上蓬萊。哭極咁多唔見你會，莫非你將我情義當系薄倖王魁，此情一去難復再，我胸前一拍自見痴呆。
又到艇嫂上前同君抹淚，叫聲(白：大相呀、大相、大相呀)你咪咁悲哀，人話男子心腸多別改，(白：唉呀)我睇君你情義的確無人陪，
你睇蠟燭替君流血淚，半天仙鶴渡郎追，你不如忍淚埋街去，奴奴情願共你為媒，你既有真心寧守耐，我找尋一個重靚過花魁，多情愁無多情配咩。免令今夜自己痴呆，唉呀(祝捍笙嘌?你快些抹乾銀淚，老身立即棹你回。(白：咁你坐穩艇喇下)
忙轉艇，快如雲，雙槳齊搖海面奔，海闊(白：今晚風狂喎)呀大相你坐穩，奴奴共你講幾句時文，呢我地隔離街有個叫做逢人恨，佢腳又細時滿手黹針，年方二八又識書禮呀，(白：佢好靚架)詩辭歌賦件件皆能。因為前時有位少爺把佢婚姻問，(白：佢就唔肯喎)佢要揀多情男子正合得佢心，佢話多情要揀多情襯(白：咁話喎)，佢話多情人仔就不拘禮銀，重話兩家真情至得煙韌(白：咁話既)，重話男情女義合相登，離舟登入咯(白：呀大相)你要行穩，保重要緊，保重要緊。咁我鵲橋高架起，等你直上浮雲。
