《十年人事》是DJ Galaxy作曲，C 君填詞，農夫&陶傑演唱的一首歌曲。
基本介紹
- 中文名稱：十年人事
- 歌曲原唱：農夫，陶傑
- 填詞：DJ Galaxy
- 譜曲：C 君
作者簡介,歌詞,
作者簡介
歌詞
*七一的晚上 煙花多漂亮
獅子山腳下突然過十年太漫長
飄忽的政治 消失的偶像
獅子山腳下步行過十年到夕陽
回歸十年 突然 諗返起以前
五十年不變到底有無兌現
第一年嘅煙花匯演特別美艷
但系經濟狀況已經大不如前
系董生腳頭唔好 定系咁啱金融風暴
啲新聞仲報導 呢十年香港幾好
我哋有幾好嗻 你哋點會知道
啲師奶都越嚟越慳
打工仔又老奉加班
幾多個人 曾經系負資產
幾多大學生 人工唔過一萬
一蚊一隻雞都無人夠膽 出街食晚飯
畢業就等於失業
十年人事幾番新 十年過得幾艱辛
有人捍衛到個髮型 捍衛唔到民心
熱烈慶祝回歸 有邊個會咁諗
哥哥 梅姐 沾叔 羅文
失業 SARS 通縮 流感
過去十年有太多唔開心
事到如今 靈灰閣都無預你同我嗰份
或者應份 俾啲掌聲我哋各位香港人
REPEAT*
讀白：
十年回歸政府畀人話低B，市民又畀人當白痴
二十三條立法冇咗件事，八萬五冧樓加沙士
眨嚇眼就輪到煲呔執過熱煎堆，政改方案搞到累斗累
陳太對葉瘤唔啱嘴，香港人前世究竟犯咗乜嘢罪呢
原來突然眨下眼 咁就過左十年
以前仲系中學生 今日要出嚟搵錢
每一年嘅煙花匯演都系一個紀念
紀念 公眾假期多咗幾天
系曾生腳頭幾好
定系佢無夾硬 無事搵事嚟做
近年經濟轉好 大家行返舊路
望住股票指數
有得搵就好搵 搵一陣就好搵過你打幾份工
內地勞工 今日變身自由人
嚟到香港自由行 每個人洗幾千蚊
難怪咁多人要爭相回流掘金
以前有事走咗去 今日無事返番嚟
佢哋有無當過香港地系佢嘅屋企
皇后碼頭要拆
灣仔嗰條印刷 街又要拆
會變成乜嘢風格
維多利亞海港 每年都Transform
好似變形金剛 變成維多利亞河
河嘅對面有座山 山下面燈光燦爛
七百萬人男男女女 有你同我 我同佢
七百萬人來來去去 有你同我 我同佢
