基本介紹
- 歌曲：Green Grow the Rashes-o By Robert Burns
- 語言：英語
- 發行日期：2009-06-18
- 歌手：John Laurie
- 所屬專輯：The Very Best of Scottish Poetry
Green grow the rashes, O;
Green grow the rashes, O;
The sweetest hours that ever I spend,
Are spent among the lasses, O.
There's nought but care on ev'ry han',
In every hour that passes, O.
What signifies the life o' man
An' 'twere na for the lasses, O.
But gie me a cannie hour at e'en,
My arms about my dearie, O,
An' war'ly cares an' war'ly men
May a' gae tapsalteerie, O!
For you sae douce, ye sneer at this,
Ye're nought but senseless asses, O.
The wisest man the warl' e'er saw
He dearly lov'd the lasses, O.
Auld Nature swears, the lovely dears
Her noblest work she classes, O:
Her prentice han' she try'd on man,
An' then she made the lasses, O.
Green grow the rashes, O;
Green grow the rashes, O;
The sweetest hours that e'er I spend,
Are spent among the lasses, O.
Green Grow the Rashes-o By Robert Burns - John Laurie
