新蘭斯敦路球場

新蘭斯敦路球場（愛爾蘭蓋爾文：Bóthar Lansdúin），又叫做英傑華球場（愛爾蘭蓋爾文：Staid Aviva）系愛爾蘭首都都柏林嘅一座大型多用途球場，可以容納51700名觀眾。新蘭斯敦路球場系全愛爾蘭橄欖球隊同愛爾蘭國家男子足球隊嘅主場，亦都系愛爾蘭島唯一一座歐洲足協頂級球場。

新蘭斯敦路球場系喺已經拆咗嘅舊蘭斯敦路球場嘅原址上面起嘅。之前，愛爾蘭足總曾經先後兩次計畫喺都柏林郊外起一座新球場，包括「愛爾蘭電訊公園球場」同「愛爾蘭大球場」，但系兩項計畫都胎死腹中。之後，愛爾蘭足總同共享主場嘅愛爾蘭橄欖球總會商量之後，決定拆除當時由愛爾蘭橄欖球總會所有嘅舊蘭斯敦路球場，再喺原址上面起一座新球場。2009年，英傑華保險同愛爾蘭足總簽訂10年贊助協定，將新球場命名為「英傑華球場」，但系好多愛爾蘭球迷依然叫新球場做「蘭斯敦路球場」。新蘭斯敦路球場喺2010年5月14號啟用。根據愛爾蘭足總同愛爾蘭橄欖球總會事前嘅協定，新蘭斯敦路球場由兩個總會共有，兩個總會以50:50齣資建立「蘭斯敦路球場發展公司」運營，兩支球隊繼續共用主場，協定有效期60年。

新蘭斯敦路球場系2011年歐霸杯決賽嘅主辦球場。由於歐洲足協唔準主辦球場用贊助商個名，因此球場曾經短暫改名做「都柏林球場」。