嶺南斗獅是發生在廣東的一種文化現象。主要源於一個事情，廣州市非物質文化遺產保護中心鑼鼓喧天，一隻只生猛獅子仔奔走跳躍，時不時惹來陣陣喝彩。原來，呢個系“醒獅青少年傳承班”結業演出。10名學員學習10日，都舞到有板有眼，贏得唔少掌聲。
現場有人議論：“有啲獅子做得好似嘎，金色毛，舞獅嘅人都著埋毛褲，比呢次表演好好多。”講話嘅人系一位家長。同好多人一樣，佢哋雖然肯定舞獅文化嘅價值，亦支持仔女學習，但本身就一知半解，以至唔明白南獅與北獅嘅區別。
北獅最早流行於長江以北；南獅則流行於華南、南洋乃至海外。今次呢場結業表演，紅、黑、黃、白、粉五頭小獅子，自然系南獅代表啦。北獅特徵逼真靈動，前面家長講嘅“好似真嘎，金色毛”就系北獅代表。南獅則注重剛猛威風，驚躍、審視、酣睡、出洞、發威等動作，無不威武逼人。而且南獅面目更似年獸，獅頭有角，以前會用鐵做——睇過《黃飛鴻》電影嘅街坊都明白鐵角嘅作用：因為以前廣東一帶盛行斗獅。鐵角必要時可以一嘢撞碎人哋成副獅頭，分分鐘連心口都撞瘀埋啊！
眾所周知，嶺南文化不尚武力，點解當年斗獅成風？因為廣東系開放沿海城市，南來北往乜人都有。廣東人“人不犯我，我不犯人”，人若犯我，我都無理由蝕底。所以平時會斗獅鬥武強身健體，關鍵時就自我保護——呢個就系嶺南斗獅嘅來由啦。
