《千祈莫學杜花英》是一首故事性很強，從1950年代傳唱的瀧水歌謠。歌謠記錄了杜花英利用新婚姻法，偷懶耍滑，好吃懶做，打罵丈夫，將丈夫搞窮後，同其離婚又嫁其侄的故事。傳說此歌謠是故事的男主人公被杜花英騙後，出了三石谷的價格，請人創作的。杜花英得知後，也曾試圖以三石谷的價格，請人創作一歌反駁，但究竟因為她的行為過分，沒有人願意為她創作。
基本介紹
- 中文名：千祈莫學杜花英
- 首演時間：1950年
- 類型：歌謠
歌詞
特唱篇歌說分明，多謝主席保和平。婚姻自由法行正，略略數下杜花英。
花英只人真兒戲，丟開梁華嫁侄兒。梁華當初佢中意，當初允肯正成事。
成事登記為算準，梁全大姐介紹人。雙方條約齊訂準，講過衣服針十身。
十身衣服唔算少，花英講過坐紅轎。二十多銀盡使了，梁華硬頂就一調。
一時快樂笑嘻哈，親戚朋友一齊話：“一堂嫁妝睇得下，櫃檯椅桌又雕花。”
雕花人見都幾威，樣樣人家都置齊。擁護新娘多人睇，唱歌老定志冇低。
志氣冇低無問人，初初返來不怕新。正式一號女光棍，膽量勝過佢男人。
好多男人不及佢，事實的確冇空虛。又講勤食兼爛煮，粥飯餐餐仲有餘。
有餘粥飯不知天，又偷穀米去換面。當面又呃暗又騙，激得梁華幾乎顛。
梁華會顛好淒涼，因只姣婆操到傷。一日罵夫有幾仗，口又強。梁華唔敢響，抓頸就命忍禍殃。
禍殃原來杜花英，對於老公咁冇情。頭腦都唔改品性，倚著個夫乸頸，貪威識食佢練精。
練精學懶唔中用，勤食爛煮唔勞動。唔通佢真系有天送？再有嘅老公都會食窮。
食窮老公搞離婚，嫁俾侄兒親上親。三服唔出同屋近，朝間晚見緊，有乜癮？叔婆嬸姆無問人。
無問個人個個嬲，麵皮幾層唔知羞。硬功劏返只雞項種，多件餸。爭得雷咁涌，咁就潑爛蝦老公。
老公骨架生得奀，比佢力頭少二斤。俾佢摟住打一身，講出人人都唔信。
唔信就愛搵證人，好彩阿東又見緊。唔系講假有證人，告知俾會長梁旬。
梁旬到來要問清，花英死都唔承認。多得阿東來頂證，咁就低頭冇出聲。
冇聲嗰時就去歸，連敨幾日詐腳跛。民眾知道佢老底，橫崩強霸嗰道弊。
太過道弊系壞流，反心之人天會收。咁嘅姣人真少有，就顧眼前唔顧後。
唔顧後嚟眼前光，全村民眾冇個幫。叔公大伯又叫綁，又想淹佢落魚塘。
丟落魚塘果冇差，花英就去投外家。投到一班老夫乸，一啖就想吞梁華。
梁華坦白說根基，逐一至二講眾知。人人都話佢有理，系實事。外家就放棄，咁就去歸算無事。
無事去歸又一調，花英冇面假就丟。自高自大文化曉，扮得俏。眼角撩人笑，唔怪侄兒都會挑。
侄兒名字叫阿關，猶如孔雀配鴻雁。兄弟叔侄撈到慣，長時嘆。百家留住玩，唔識廉恥貪清閒。
清閒白霍佢就跟，聽人唆擺要離婚，好同阿關搞搞震。眾鄉親！做人要立品，千祈莫學花英人！
（廣東羅定的瀧水民歌傳人林秀蓮女士曾唱過此山歌）
